RECORDAI

Há dias, tive a oportunidade de ouvir uma canção muito bonita, que fala da Praia nos tempos antigos, e não pude deixar de me lembrar, que tinha guardado no PC, um texto interessante…
Tenho que repartir convosco, esse texto que me chegou pela net, há já uns tempos cujo autor desconheço, mas que felicito, quanto mais não seja, pelo rol de coisas boas que me fez recordar e, francamente… pelas gargalhadas que me fez dar, com bastante vontade.



“Dja bu pasa vinti y kuatu anu?
Sin! Anton sukuta un kusa


Tenpu ai ta pasa y, trando Malaika ku Ester, nos tudu sta bira bedju. Bu podi txiga kel konkluson li di un manera muto sinplis, e so bu pára bu pensa un koxi. Ka bu spanta si N flou ma miniz ki kaba 12º ano pasadu y ki dja bai kurso es nasi na 1984 kando bo dja bu sabé andá, lê, skrêbi y dja bu kumesába na kunfiadesa di trouxeste as karta, kazamentu inglêz, verdadi o konsekuênsia? - konsekuênsia e klaro.
Si bu djobi dretu Atari ka ta ejisti pa es. Es ka djuga na ZX Spectrum 48K ligadu na tilivizon, ta espera mas di sinku minuto ta odja monti di koris ta troka na TV, ta reza pa djogu entra, pamodi sinou e otu 5 minutu ta espera. Es ka djuga Gami di bolsu ki ta poi pilha di liroxi, ki kel omi fla m’e djuga ti ki seka pilha. Ti oxi es ka sabi kuze k’e kalsa sanju ô Kulukutu ki fari sandalia socal. Ti oxi es ka
bisti kalsa ganga di morabeza nen di bonbazine. Es ka koba txon 3 bez pa djuga Karanbola (primera, sigunda, tersera, mats), es ka trokola pe na ora fulha, es ka da Kurubati (...ma kurubati e fixu ) Es ka espera tenpu txuba pa fazi korida di barku ainda ki seja ku pô di fôz ô biata di sigaru. Es ka anda tudu bera di calçada simentado ta djobi pista pa djuga meta nen es ka pidi ilastiku na Banku pa poi na karu pa ka pasa ponta. Kel memu ilastiku ki ta sirbiba tanbé pa poi na fletxa pá kasaba txota ku lagartixa. Es ka pidi Araminhu na kureio (ex CTT) pa poi na kel arami mopidu ki bu ta pidiba na oficina, o ki si bu tinha mas sorti bu ta atxaba na txon. Es ka rinka po seku di baboza pa fazi spada nen es ka bebi Xalalá. Es ka sabi kuze k’e Freskinha 3 kor nen si tenba Djarama. Es ka dadu papa (UNI)CEF ki yomada nen s’e sô pa fazi kamoka. Es ka finji duenti so pa dadu bolaxa Tuc ku Carnivali. Malta ku Compal di pera nunka foi sis bibida preferido. Es ka pasa un tardi ta ri ku Bud Spencer y Trinitá. Es ka txora lebado Filmi indiano pa torna bá txora tó ki Ravi (Amitah Bachchan) ta móri. Es ka kumpra dosi na tabulero di Xunpinha. Es ka brinka “tubarão não mi pega...” na prasinha skola grandi. Es ka kumpra Regua di madera nen Kaderno di Firestone (bu ka ta kerdita si N flou ma ti inda e ta bendedu). Es ka bai skola ku Kapa Amilcar Cabral. Es ka leba papel igieniku pa skola pa brinka “à malha” nen es ka dikora nomis di kau, di fruta y di sidadi pa brinka “Nomis Nomis”. Es ka pidi kolega Frazi pa redason (A vaca é um animal doméstico. A vaca dá leite. Com o leite...) nen es ka fronta dia di prezenta Trabalhos manuais. Nunka ka das prazer kolesiona Lata baziu di tudu tipo sikre katadu na sentina “Nhu Dimingo”, nen es ka pegado ta rinka Tanpinha di karu genti.
Parse-m m’es ka bai porta di bar ku splanada káta Pratinha pa fazi timi futebol. Es ka kori traz di Kromus di Zico ku Maradona. Es ka sabi pamodi ki Sucupira ten kel nomi lá, nen es ka sabi ken k’e Lindus Mérias (boxeru famado). Es ka konxi Boboxi na Tabanka Varzia Conpanhia nen es ka kori traz di (Tó) Charlô ku Nha Punotxa. Nunka es foi Pioneru. Es ka obi Katchas ta sola, es ka konxi Boney M. Es ka sabi ma “gelados pica-pau é uma maravilha”
Nunka es imita mota tranzito p’es fla m’es e Djangu. Es ka ta saíba na rua mo dodu o ki prisidentis de otu kou ta benba (es ka delira ku C.I.L.S.S. na Praia – seti presidenti d’un bês). Es ka konxi Sartana, kabalu nhaku. Es ka konxi biskileta Catita ku IFA tropa.
Es kandu es tchiga es atxa Michael Jackson branku. Es ka fulha talku na txon pa da kel pasu di Billie Jean. Es ka insaia Breakdance na caza nen es ka odja Lagoa Azul 10 bês - nen N ka mesti flou ma nunka es ka atxa Brooke Shields mudjer mas bunita di mundu. Es ka kori pa caza pa ba odja Bel ku Sebastião (corre, corre, Bel... o Bel é tão grande e o Putchi é pequenino...). Es ka sabi pamodi ki oji ten tantu katxor ku nomi di Putchi. Es ka konxi kel boneka panu (Emilia - Sitio do pica pau amarelo) ki ta dada na TeleVisão Experimental de Cabo verde (ex-TVEC).

Un lista di sodadis:
Sumu di bigodi, tang na baion amarelo di olio; sumol di garafa, chingua malabar; fresquinha três kor; gelados pinguim - ku direito a guarda xuva; puxada; doneti Purkelia; dropz liláz (supuzitório); djuga centro; inter-turma; karanbola; monopolio; brinka monzuar (arákua 1, arákua 2, arákua 3 ... altu); odjada; polisia ladron; kampanada (podé); saltu au eixu; anel; póti; aizun (az trokolada; az cruzada...); takada; ríngi; bara du lensu (fogu, água); baratinha; kazaku Michael Jackson; io-io; intervalo 20 minuto na gradi; relójio sukupira (trabalho manuais na japon); festa fin de periodo; video betamax, sapato sabrina; rabati (fupu, seka pitrólio); sinkuentinha na OPAD; novela o Bem-Amado; jinkana; Bulimundo; Tabanka; jogos escolares; mantenhas pela radio (para Júlia a caminho da América com votos de...); Bala ku Rubon; filmi di Bruce Lee; purfumu Lomani; xupakaka; 1, 2, 3 makakinho du chinês; prugrama “Olá meninos” (Olá, tu que estas aí...); Ti Ganga, Nhu Lobu ku Xibinhu; loja Galarias; rissois di (D. Magui) Liceu; mota Gery; Rambo I, II e III
Bu sta lenbra di tudu kes kuza li? Si bu lenbra di metadi, anton nha amigo, dja bu dâ di banda. Gosi e sô: Na nha tenpu...
Nu sta bira bedju.”